اقتراح .... بخصوص زواج أبناء العائلة

 موضوع من منتدى العائلة القديم

مجرد اقتراح .... بخصوص زواج أبناء العائلة
08-06-2009 06:57 PM
الفيصليه

السلام عليكم ورحمة الله وبركاته
أخواني وخاصة المهتمين بأمر العائله
حبيت أقترح عليكم 

بما أنه عندنا شباب وبنات كثيرين خاطبين
وتقريبا كلهم هذي السنه راح يتزوجون
وش رايكم تجتمعون بهم وبأولياء أمورهم وتسوون جماعي العائلة
وكلهم تزوجونهم مع بعض ومنها تيسرون عليهم ويصير الزواج اسهل ويبقى الراي لكم
ومشكورين

أحمد البديوي

10-06-2009 09:16

بصراحه اقتراح حلو

بس مين الي راح يوافق

يعطيك العافية

-----------------------------------------

10-06-2009 11:14 PM

أمل الغد

آقتراح جميل وإيجابي أكثر ماهو سلبي ..

بسـ أنا أشوف بعض العوائل الحمولة ما تفضلـ يكون بينها تعاون أو شراكة ..

يعني كل عائلة تحب أن زواج ولدهم يكون لحالهمـ

ومعروفة الحريم ( إذا معانا ولد عمك ولا ولد خالك بيصير زحمة وما نأخذ راحتنا )

يعني آتوقع 90 % ماراح يوافقون لانه بعد يمكن يصير مشاكل

كل عريس بيقول أن حطيت هالمبلغ الفلاني أو جبت وسويت وأنت ماسويت و بيصير هذرة و حقد ..

ولكن إذا كان الجماعي بين الرجال دون النساء أفضل بمجرد

طرح هذه الفكرة على النساء متأكد ماراح يوافقون وإذا وافقوا

تعتبر هذي معجرة وبس ما أتوقع الزواج بيكتمل على خير ..

تشكراتيـ الخالصة لشخصكِ الشامخـ أخيه ..

دُمتِ بود ..

-----------------------------------------

11-06-2009 02:09
الفيصليه

أشكر تفاعلكم مع الموضوع ولكن المطلوب ان يطلع الاقتراح بنتيجة
 يعني ياليت تجتمعون انتوا الاكبار اللي في العايله وتقررون اللي فيه
صالح لعيالنا وإذا تكلموا الرجال الحريم يسكتون لأن في النهاية فيه مصلحة عيالنا
 ونوفر لهم اللي يريحهم إلا إذا كلام الحريم في شيء من العقلانية 
ممكن
وتشكرووووووون

              ٪٪٪٪٪٪٪٪٪٪٪٪٪٪٪٪٪٪٪

11-06-2009 03:32
حسن البديوي

أنا كذلك مع الأخت أمل الغد
أهم شي راحة النساء في زواج أخوانهم وأولادهم
ولهم حق في الموافقة والرفض .
أما نحنُ الرجال بإمكاننا عمل زواج جماعي لنا

           ٪٪٪٪٪٪٪٪٪٪٪٪٪٪٪٪٪٪٪٪
17-06-2009 01:14
مالك الفرحان

والله  
اقتراح  جدا ممتاز  يا أختي الفيصلية   ويقوي   ترابط   العائلة   بس  
تعرفين  مشاكل  النساء  في  وما ادراك ما  مشاكل النسوة
وان جات على الرجال   بعد  تطلع لهم  بعض الأحيان رويشات
بس على  العموم   تشكراتي لك  على  الفكرة  والغيرة على ترابط  العائلة
والله لايحرمنا  من  اقتراحاتك 

تحياتي  لك
مالك الفرحان

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

17-06-2009 01:29
الفيصليه

نورتو الموضوع بردودكم
بس أنا راح أثبت لكم عكس كلامكم حريمنا غير ... قلوبهم على بعض ولله الحمد أنا 
الحين مسكت موضوع بنفسي مع عمامي وإن شاء الله يصير خير

٪٪٪٪٪٪٪٪٪٪٪٪٪٪٪٪٪٪٪٪٪٪

24-07-2009 05:00
*هديل*

ونااااااسة والله فله
ياليت يصير هالشي
اقتراح حلو يالغالية
يعطيك ألف عافية على الموضوع في قمة الرووعة

تقبلي مروري
هديل

----------------------------------------------
25-07-2009 12:56
#همسة غلا#

ممكن نتقبل  الموووضوع هو شيء جميل أن نجتمع
بس أن يكون في مشكل إذا كل شيء مشى على مااهووو  
يمكن تسبب مشكلة
وأنا أايد هذا الموضوع   

دمت بحفظ الله مع السلامة  
تقبلي مروري  
هموووسه  

----------------------------------------------------
22-08-2009 05:19
@إحساس ملاك@

اقتراح حلو

-------------------------------------------------
27-08-2010 02:48
عـــ أيمن ـــاشق الخيل

وعليكم السلام ورحمة الله وبركاته

فكرة جميلة وسديدة
وفوائدها أجمل 
لكن الامر يرجع للي راح يتزوجو وأولياء أمورهم 
وأنا أايد الفكرة ويكون الزواج الجماعي من ناحية الرجال
وهذا راح تكون ايجابياته كبيرة من ناحية التواصل العائلي والتوفير المالي
شكرا جزيلا لك
تقبلو مروري

               ٪٪٪٪٪٪٪٪٪٪٪٪٪٪٪٪
10-06-2009 10:28 PM
تمريّون ,,,

بارك الله فيك ِ
وفي كل القلوب التي تحب التعاون والتقارب والألفة وتسعى لزيادة الروابط بين الأخوة وأبناء العمومة .

نعم رأي سديد ويحتاج لعزم وتوفيق .

وندعوكم ياشباب العبداللطيف آل مبارك, وخاصة من عزموا على الزواج على تحقيق هذه الفكرة الطيبة .
وياليت من سيتزوج أو ولي أمره أن يشارك في هذا الاقتراح ويسمعنا رأيه.
وماالتوفيق إلا بيد الله

جمعه وكتبه يوسف بن محمد العبداللطيف آل مبارك